Páfagaukur sagði lögreglunni heimilisfang sitt

Talandi páfagaukur sem hafði flogið út um gluggann á heimili sínu komst heim á ný enda gat hann sagt lögreglunni heimilisfangið. Fuglinn flaug út um glugga á heimili sínu í Tókýó og inn á hótel í grenndinni og settist þar á öxl eins gestsins.

Páfagaukurinn er smávaxinn, blár gári. Eigandinn er 64 ára gömul kona. Hún hefur áður týnd páfagauki og var þess vegna ákveðin í að láta það ekki henda aftur. Kenndi hún því gauknum að segja heimilisfang sitt.

Gaukurinn var þó ekki málglaður í fyrstu eftir að lögreglan fékk hann í sína vörslu. Hann þagði í þrjá daga áður en hann fór að segja heimilisfangið.

Lögreglan komst einnig að nafni gauksins sem endurtók í sífellu: „Þú ert fallegur, Piko-chan.“

• 1 blogg um fréttina

Bloggað um fréttina

• Jóhann Elíasson: ÉG HUGSA AÐ GUNNARSSTAÐA MÓRI GÆTI ÞETTA LÍKA.................