Settu snekkju inn í fjölskyldugrafhýsið
Setja bókamerki
Búið er að koma snekkju Kims Jong-Ils, fyrrverandi leiðtoga Norður-Kóreu, fyrir í grafhýsi fjölskyldunnar í höfuðborginni. Yfirvöld í landinu létu leggja járnbrautarteina til að koma snekkjunni á staðinn. Eitt ár verður brátt liðið frá dauða leiðtogans og er þess nú minnst í landinu.
Norðurkóresk stjórnvöld hafa komið fyrir ýmsum munum sem voru í eigu Kims í Kumsusan-grafhýsinu í höfuðborginni Pjongjang. Þar inni hvílir lík Kims Il-Sungs, föður Kims Jong-Ils. Líkið er vel varðveitt en það var smurt eftir andlátið.
Fréttaveitan Yonhap hefur eftir ónefndum embættismönnum í Suður-Kóreu að vinnu við að smyrja lík Kims Jong-Ils sé við það að ljúka og líkið verði svo lagt við hlið föður hans í grafhýsinu.
Til að koma snekkjunni í grafhýsið urðu menn fyrst að sigla henni frá hafnarborginni Wonsan, sem er í austurhluta landsins, um 1.500 sjómílur í kringum Kóreuskaga til hafnarborginnar Nampo, sem er í vesturhlutanum. Þaðan var hún dregin um 44 km til höfuðborgarinnar.
Það þurfti að taka niður rafmagnslínur, leggja járnbrautarteina tímabundið og rífa niður hluta af einum útvegg grafhýsisins til að koma snekkjunni inn í það.
Fréttir herma að norðurkóresk yfirvöld hafi lýst því yfir að landsmenn skuli syrgja hinn fallna þjóðarleiðtoga frá 1. til 20. desember nk. Kim Jong-Il lést 17. desember í fyrra af völdum hjartaáfalls. Sonur hans, Kim Jong-Un, tók í framhaldinu við stjórnartaumunum.
Spara stórfé með olíukaupum ytra
Mjög alvarlegt ef Njarðvíkuræð gefur sig
„Erum í miðri hrinu“: Styttist í Eldvörp
Yfir 300 stæði fóru undir hraun
Mæðgur dæmdar til að greiða 64 milljónir
Ástæða til að ætla að eldgosahrinu fari að ljúka
Myndir: Grindavíkurvegur aftur undir hraun
Fullvissa ferðamenn um að hér sé öruggt