Hugo Chavez, fyrr­ver­andi for­seta Venesúela, sem lést 5. mars síðastliðinn ætti ekki að leiðast í himna­ríki, ef marka má nýja teikni­mynd sem fer nú sem eld­ur um sinu um net­heima, ekki síst milli manna í Suður-Am­er­íku. Af henni að dæma var vel tekið á móti leiðtog­an­um heitna.

Meðal þeirra sem tóku á móti Chavez við kom­una til himna­rík­is voru aðrir mik­ils­metn­ir leiðtog­ar í Suður-Am­er­íku, s.s. Si­món Boli­v­ar og Ché Gu­evara. 

Chavez sem var 58 ára var lagður inn á sjúkra­hús 18. fe­brú­ar síðastliðinn til að halda áfram geislameðferð eft­ir tveggja mánaða krabba­meinsmeðferð á Kúbu, þar sem hann gekkst í des­em­ber und­ir fjórðu aðgerðina síðan í júní 2011. Heilsu hans hrakaði mikið í byrj­un mánaðar og til­kynnti Nicolas Maduro, vara­for­seti lands­ins, um and­lát hans 5. marsl. 

For­seta­kosn­ing­ar fara fram í land­inu eft­ir rúm­ar tvær vik­ur. Kosn­inga­bar­átt­an hefst form­lega 2. apríl næst­kom­andi og kosn­ing­arn­ar fara fram tólf dög­um síðar. Sam­kvæmt skoðana­könn­un­um nýt­ur Maduro mik­ils fylg­is.

Tengd­ar frétt­ir

Hugo Chavez

Ger­ir þriggja metra styttu af Chavez

• Maduro ósátt­ur með teikni­mynd
• Hugo Chavez í himna­ríki
• Enn minn­ast menn Chavez
• Maduro sór embættiseið

» Fleiri tengd­ar frétt­ir

• 3 blogg um frétt­ina

Bloggað um frétt­ina

• Ásgrím­ur Hart­manns­son: Ég sé Hitler ekki þarna, hvað kem­ur til?
• Frikk­inn: Þarna er mikið af gæða glæpon­um
• G. Tóm­as Gunn­ars­son: Þörf sósí­al­ista fyr­ir guði