Hætti við morgunhlaupið vegna mengunar

David Cameron, forsætisráðherra Bretlands, hætti við að fara út að hlaupa í morgun vegna mikillar mengunar í London, höfuðborg Bretlands.

Sambland af útblæstri gróðurhúsalofttegunda, logni, mengunar sem berst frá meginlandi Evrópu og ryks og sands sem berst frá Sahara-eyðimörkinn í Afríku hefur þau áhrif að gefin var út viðvörun þar sem fram kemur að loftgæði í suður- og miðhluta Englands væru léleg. 

Breska ríkisútvarpið spurðu Cameron út í mengunina. „Þetta er óþægilegt og þú finnur fyrir þessu í loftinu.“

Hann bætti því við að hann hefði hætt við að fara út að hlaupa í morgun og vinna þess í stað.

Cameron segir að þetta sé af náttúrulegum völdum. „Þetta hljómar ótrúlega, ryk frá Sahara, en það er staðreynd,“ sagði hann.

Hann hvatti landsmenn til að hlusta á viðvörun heilbrigðisyfirvalda og hvatti sérstaklega þá sem glíma við hjarta- og lungnasjúkdóma til að gæta að heilsu sinni. 

• 2 blogg um fréttina

Bloggað um fréttina

• Ómar Ragnarsson: "Af náttúrulegum völdum". Þrjú töfraorð og málið dautt.
• Torfi Kristján Stefánsson: "Blóðregn"