Gleypti stolinn hring

Kona og karlmaður voru handteknin í Orem í Utah í Bandaríkjunum á föstudag, grunuð um þjófnað, en lögregla sagði konuna hafa gleypt stolinn hring í tilraun til að fela hann. 

Þetta kemur fram á fréttavef CBS news.

Lögreglan á svæðinu sagði röntgenmynd hafa sýnt að hringurinn var í maganum á hinni 25 ára gömlu Christinu Schlegel.

Rannsakendur segja hinn 29 ára gamla Bryan Ford hafa verið búinn að skoða hring að andvirði þúsunda dollara í skartgripabúðinni Zales á föstudagskvöld í Orem, um 70 km sunnan af Salt Lake City, þegar hann hljóp með hann á brott.

Lögreglan segir manninn hafa verið eltan af starfsmanni verslunarinnar, en hann hafi komist undan og upp í bíl sem Schlegel ók. Lögreglumenn stöðvuðu bílinn og handtóku þau bæði stuttu seinna.

Lögreglumenn áttu í vandræðum með að finna hringinn þar til röntgenmynd var tekin af maga Schlegel.

• 1 blogg um fréttina

Bloggað um fréttina

• Ásgrímur Hartmannsson: Rangt fall