Vilja sjá mannaða geimferð til Mars

Þrír bandarískir geimfarar, sem tóku þátt í geimferð Bandaríkjanna til tunglsins sem hófst fyrir 30 árum, hafa hvatt til þess að undirbúningur verði hafinn að því að senda mannað geimfar til Mars, samkvæmt því sem fram kemur á vefsíðu BBC.

Geimfararnir Neil Armstrong, Buzz Aldrin og Gene Cernan komu saman í Kennedy-geimstöðinni í Flórída í gær til að minnast þess að 30 ár eru frá því þeir lögðu af stað út í geiminn í geimfarinu Apollo 11. Neil Armstrong, sem fyrstur manna steig á tunglið, sagði við þetta tækifæri að geimferðin hefði sýnt mönnum fram á það að þeir væru ekki eilíflega hlekkjaðir við eina plánetu og að möguleikar þeirra væru óþrjótandi.