Konungur studdi valdaránið í Taílandi að sögn hershöfðingja

Hershöfðinginn Sonthi Boonyaratglin, sem fór fyrir valdaráni hersins í Taílandi í gær, sagði í sjónvarpsviðtali í dag að hann hefði notið stuðnings konungs landsins, Bhumibol Adulyadej, til valdaránsins. Þá eru 80% Taílendinga hlynnt valdaráninu, samkvæmt niðurstöðum könnunar sem birtar voru í dag.

Um 84% þeirra rúmlega 2.000 sem svöruðu könnuninni, sem unnin var af háskóla, sögðust fylgjandi ráninu þar sem það myndi bæta stjórnmálaástandið í landinu sem einkenndist af mikilli spennu. Ekki er þó ljóst hversu hátt hlutfall fólks frá þeim héruðum sem Taksin Shinawatra, forsætisráðherrann sem bolað hefur verið frá, nýtur mests fylgis. 4,7% töldu að ránið myndi gera ástandið verra.

Þessir Taílendingar fögnuðu valdaráninu í dag. AP

• 1 blogg um fréttina

Bloggað um fréttina

• Arnljótur Bjarki Bergsson: fótum troðslu lýðræðiðs "fagnað"