Bush: Rumsfeld og Cheney munu starfa áfram í ríkisstjórn

George W. Bush Bandaríkjaforseti greindi frá því í dag að hann vilji að Donald Rumsfeld, varnarmálaráðherra Bandaríkjanna, og Dick Cheney, varaforseti Bandaríkjanna, starfi áfram í ríkisstjórn hans, eða þar til hann muni láta af embætti. Það verður í janúar árið 2009. Bush hefur þar með tryggt störf tveggja umdeildustu stjórnmálamanna í ríkisstjórn hans.

Bush sagði í viðtali í dag að hann væri staðráðinn í því að beita eigi Norður-Kóreu refsiaðgerðum jafnvel þótt að yfirvöld í Pyongyang hafi samþykkt að snúa aftur að sex-ríkja viðræðunum varðandi afvopnunum kjarnorkuvopna.

Bush sagði einnig að hann sæi ekki að breytingar myndu eiga sér stað í bráð hvað varðar fjölda bandarískra hermanna í Írak. „Þeir hafa það sem þeir geta búið við,“ sagði Bush.

George W. Bush Bandaríkjaforseti, Donald Rumsfeld varnarmálaráðherra Dick Cheney varaforseti. Tveir síðastnefndu þykja þeir umdeildustu í stjórn Bush. Reuters

• 2 blogg um fréttina

Bloggað um fréttina

• Magnús Helgi Björgvinsson: Héldu menn að hann léti Rumsfeld og Cheney fara
• Stefán Friðrik Stefánsson: George W. Bush horfir til loka valdaferilsins