Líkamsleifar fundust í krókódíl á Indónesíu

Íbúar í þorpi í Austur-Nusa Tenggara héraði á Indónesíu urðu heldur betur hissa þegar þeir ristu upp krókódíl og fundu þar tvær hendur og fótlegg. Krókódílinn höfðu þeir veitt og drepið en hann var um 500 kg og 5 metra langur. Talið er að krókódíllinn hafi étið 59 ára veiðimann sem saknað hefur verið í viku. Í krókódílnum fundust einnig hlutar úr höfuðkúpu úr manni, hár og stuttbuxur.

Þúsundir krókódíla búa í ám og vötnum Indónesíu, en um 17.000 eyjar tilheyra landinu. Það er þó ekki algengt að krókódílar éti menn þar. Í það minnsta fimm manns hafa týnst seinustu mánuði á sama svæði og talið að þeir hafi einnig orðið krókódílum að bráð. Krókódílarnar lifa í söltu vatni og telja íbúar í héraðinu að þeir hafi étið tugi nautgripa, svína, geita og hænsna.

Krókódíllinn var skorinn í smátt og kjötinu skipt milli þorpsbúa. Samkvæmt trú þorpsbúa verða þeir að borða krókódílinn til þess að fleiri menn verði ekki krókódílum að bráð.

• 1 blogg um fréttina

Bloggað um fréttina

• Margrét M: oj.