Erlent | mbl | 20.1.2007 | 14:23 | Uppfært 21.1.2007 7:23

Hillary Clinton hyggur á forsetaframboð

Hillary Clinton, þingmaður demókrata í New York í Bandaríkjunum og fyrrum forsetafrú, tilkynnti í dag á vefsíðu sinni að hún hefði skipað nefnd til að vinna að framboði sínu til forsetakosninganna í Bandaríkjunum árið 2008. Þar með hefur hún stigið fyrstu skrefin í átt að framboði sínu, en margir telja að hún gæti orðið fyrsti kvenforseti Bandaríkjanna.

Í bréfi sem Clinton birtir á vefsíðu sinni segist hún ætla að hefja baráttuna á röð veffunda með almenningi, og að hún ætli að eyða næstu tveimur árum á þingi í að reyna að koma í veg fyrir að „George W. Bush valdi frekari skaða”. Hins vegar geti aðeins „nýr forseti bætt þau mistök sem Bush hafi gert”.