Ísraelsher felldi þrjá Palestínumenn

Ísraelskir hermenn felldu þrjá Palestínumenn á Vesturbakkanum í morgun. Tveir hinna föllnu voru liðsmenn Al-Aqsa samtakanna og féllu þeir er skotbardagi braust út á milli hermannanna og hóps vopnaðra manna í Nablus. Þriðji maðurinn var skotinn til bara er hann reyndi að klippa sundur aðskilnaðargirðingu Ísraela við bæinn Qalandiyah norður af Jerúsalem. Þetta kemur fram á fréttavef Ha’aretz.

Þá fann ísraelski herinn vopnaverksmiðju í Nablus í dag, fimm kílóa sprengju og efni til sprengjugerðar.

Ísraelskir hermenn skutu einnig á Palestínumann við aðskilnaðargirðinguna á landamærum Ísraels og Gasasvæðisins í morgun og slasaðist hann en ekki alvarlega.

• 1 blogg um fréttina

Bloggað um fréttina

• Ólafur Þórðarson: Drepinn fyrir að klippa girðingu?