Spennuþrungin ró ríkir í Gaza eftir að vopnahlé var endurnýjað

Vopnahlé milli Hamas- og Fatah-liða á Gaza virðist ætla að haldast, en að undanförnu hafa átt sér stað ein blóðugustu átök sem sést hafa á svæðinu svo mánuðum skiptir.

Engin meiriháttar átök hafa brotist út síðan í gærkvöldi þegar báðar fylkingar endurnýjuðu vopnahléssamkomulagið sem tvisvar sinnum hefur verið brotið.

Um 23 hafa látið lífið og yfir 200 hafa særst í átökum Fatah og Hamas að undanförnu.

Báðar fylkingar hafa átt í valdabaráttu frá því Hamas-samtökin unnu sigur í þingkosningunum í janúar í fyrra.

• 1 blogg um fréttina

Bloggað um fréttina

• Snorri Bergz: Platvopnahlé: bardagar hafnir að nýju