Glæpagengi beita mafíuaðferðum í Danmörku

Harðsvíruð innflytjendagengi hafa stækkað og eflst í Danmörku og beita nú mafíuaðferðum víða um landið, krefja eigendur kráa, veitingastaða og skemmtistaða um „verndargreiðslur“. Með slíkri greiðslu tryggja menn sig fyrir því að gengið ráðist ekki á þá eða vinni skemmdarverk á eignum þeirra.

Glæpagengi þessi eru umsvifamikil í eiturlyfjabraski og skipulögðum glæpum. Svokölluð mótorhjólagengi falla nú í skuggann af þessum glæpamönnum. Fólk þorir ekki að kæra menn fyrir að krefjast verndargreiðslnanna þar sem það gæti þá átt von á barsmíðum eða öðru verra, að sögn danska dagblaðsins Berlingske Tidende.

Yfirrannsóknarlögreglumaðurinn Frank Jensen segir lögregluna vita af þessu en að engin kæra hafi borist vegna þessa.

• 1 blogg um fréttina

Bloggað um fréttina

• Snorri Bergz: Jæja, punktur fyrir frjálslynda