Játaði að hafa skorið maga ófrískrar nágrannakonu sinnar

Peggy Jo Conner, 39 ára kona í Pennsylvaníu-ríki í Bandaríkjunum, viðurkenndi í dag að hafa skorið í maga þungaðrar nágrannakonu sinnar, Valerie Oskin, í þeim tilgangi að ræna barninu.

Conner var ákærð fyrir að hafa ætlað að stela barninu og láta sem það væri hennar eigið. Oskin og barnið lifðu árásina af því ungur drengur varð vitni að árásinni og lét föður sinn vita sem hringdi á lögreglu.

Conner játaði glæp sinn í dag og telur lögfræðingur hennar að það hafi verið viturleg ákvörðun, þar sem kveða á upp dóm yfir henni á næstu dögum og játningin geti hugsanlega mildað dóminn. Conner réðst á Oskin á heimili hennar þann 13. október 2005 og barði hana með hafnaboltakylfu. Hún ók með hana að afskekktu svæði og skar þar í magann á henni með rakvélarblaði.

Lögreglu tókst að stöðva Conner og var Oskin flutt á sjúkrahús í snarhasti þar sem barnið fæddist með keisaraskurði. Barnið var síðan ættleitt að ósk Oskin.

• 2 blogg um fréttina

Bloggað um fréttina

• Svava S. Steinars: Í USA er það ekki storkurinn sem kemur með börnin, …
• Ársæll Níelsson: Óþolinmæði