2.200 bandarískir herlögreglumenn verða sendir til Írak

Varnarmálaráðherra Bandaríkjanna, Robert Gates, hefur samþykkt að senda 2.200 herlögreglumenn til Bagdad í Írak til þátttöku í öryggisáætlun sem þar hefur verið hrint af stað. Gates segir þetta lið bætast við þá 24.000 hermenn sem fyrir eru og eiga herlögreglumennirnir að gæta þeirra sem handteknir hafa verið í hertum öryggisaðgerðum í borginni.

Yfirmaður bandaríska hersins í Írak, David Petraeus, óskaði eftir liðsaukanum. Petraeus tók við stjórn í síðasta mánuði og er beiðnin um aukaliðið því ný af nálinni. Gates segist ekki hissa á því að uppreisnarmenn súnníta hafi aukið árásir sínar í Írak undanfarna daga, þar sem að þeim þrengi. BBC segir frá þessu.

• 1 blogg um fréttina

Bloggað um fréttina

• Róbert Björnsson: Sjóherinn til Bagdad