Nýfætt barn myrt í Hamborg

Maður, sem var að viðra hundinn sinn í Hamborg í Þýskalandi gekk fram á barnslík í svörtum plastpoka á gangstétt framan við 20 hæða fjölbýlishús.

Barnið var nýfædd að sögn Hamburger Abendblatt, og bentu niðurstöður krufningar til þess, að barnið hefði fæðst á lífi en látist af völdum höfuðáverka. Er talið, að því hafi verið kastað út um glugga á einni af efri hæðum hússins.

Tekið hefur verið lífssýni úr nokkrum konum í byggingunni en lögreglan segist vona að sá sem framdi þennan verknað gefi sig fram.

• 1 blogg um fréttina

Bloggað um fréttina

• Helga Linnet: Grimmd