Íransforseti ekki viðstaddur fund öryggisráðs SÞ; vegabréfsáritunin of lengi á leiðinni

Mahmoud Ahmadinejad, forseti Írans, verður ekki viðstaddur fund öryggisráðs Sameinuðu þjóðanna í New York á morgun, þar sem rætt verður um kjarnorkuáætlun Írans. Ástæðuna má rekja til þess að Bandaríkin voru of sein með að útvega honum vegabréfsáritun. Þetta hefur AFP-fréttastofan eftir heimildarmanni sínum.

„Ekkert verður af ferð Ahmadinejads forseta hingað sökum þess hve Bandaríkin hafa verið sein með að útvega honum vegabréfsáritun,“ sagði heimildarmaðurinn.

„Af þessum sökum er ekki hægt að koma vegabréfsárituninni til Teheran á tilsettum tíma, og af þeim sökum er nær ómögulegt fyrir forsetann að ferðast,“ bætti hann við.

Þessu hafa bandarísk stjórnvöld neitað.

• 2 blogg um fréttina

Bloggað um fréttina

• Björn Emil Traustason: Íransforseti ekki viðstaddur fund
• Sigfús Sigurþórsson.: Þetta er nú vægast sagt óréttlátt.