Einn lést og nokkrir særðust í átökum blakaðdáenda

Einn maður lét lífið og fimm særðust þegar átök brutust út meðan á leik stóð milli tveggja grískra kvennablakliða austur af Aþenu í gærkvöldi. Um 300 stuðningsmenn grísku liðanna Olympiakos og Panathinaikos slógust en svo virðist um hafi verið að ræða fyrirfram ákveðin átök.

Leikurinn fór fram í Peania, sveitaþorpi um 27 km frá Aþenu. Tveir hópar stuðningsmanna liðanna komu á svæðið á mótorhjólum vopnaðir flöskum, hnífum og skrúfjárnum og brutust átökin út á bílastæði í nokkurri fjarlægð frá leikvanginum.

Lögregla handtók 18 manns, þar á meðal mann sem ók bíl inn í mannþröngina.

• 2 blogg um fréttina

Bloggað um fréttina

• Maron Bergmann Jónasson: Stórhættuleg íþrótt blakið
• Snorri Bergz: Snilld!