Fjórir breskir hermenn og túlkur féllu í Basra

Fjórir breskir hermenn létu lífið þegar vegsprengja sprakk í borginni Basra í Írak í dag. Auk þeirra féll íraskur túlkur þeirra. Frá sunnudeginum síðastliðnum hafa nú sex breskir hermenn fallið, sem er eitt mesta mannfall úr röðum Breta á einni viku í Írak frá innrásinni 2003.

Hermennirnir fjórir og túlkurinn voru í bílalest á leið um Hayaniya, sem er hverfi í norðvesturhluta Basra. Sjónarvottur segist hafa séð í það minnsta eina bifreið alelda og aðra mikið skemmda. Sky segir frá þessu.

• 1 blogg um fréttina

Bloggað um fréttina

• Magnús Helgi Björgvinsson: 650.000 óbreyttir borgarar í Írak hafa fallið