Umskurn kvenna bönnuð í Erítreu

Yfirvöld í Erítreu hafa bannað umskurn kvenna með lögum þar sem hún er lífshættuleg. Upplýsingaráðuneyti Erítreu segir frá þessu í tilkynningu. Hver sá sem biður um, hvetur til eða kemur með öðrum hætti að umskurn kvenna á hættu á því að verða dæmdur til fangelsisvistar eða til sektargreiðslu.

Í tilkynningunni segir að umskurn kvenna sé stórhættuleg aðgerð sem valdi miklum sársauka og stefni lífi kvenna jafnvel í hættu.

Umskurn kvenna er mjög algeng í Erítreu, þrátt fyrir andstöðu ríkisstjórnarinnar, og stunduð bæði af múslímum og kristnum. Bannið gekk í gildi 31. mars. 94% kvenna í Erítreu eru umskornar, að sögn samtaka gegn umskurn þar.

• 2 blogg um fréttina

Bloggað um fréttina

• Magnús Helgi Björgvinsson: Umskurn kvenna bönnuð í Erítreu. - Alþjóðasamfélagið ætti að bjóða …
• Birgir Þór Bragason: Tími til kominn