Danir vilja fá að reykja á veitingahúsum

Sjö af hverjum tíu segjast ekki vilja banna reykingar á veitingahúsum í Danmörku samkvæmt skoðanakönnun dagblaðsins Berlingske Tidende sem birt var í morgun. Þann 15. ágúst næstkomandi verður bannað að reykja á opinberum stöðum í Danmörku nema í sérstöku reykingarými.

Tæplega 1200 manns tóku þátt í könnuninni og létu í ljós afstöðu sína til reykingalaganna sem eiga að taka gildi í ágúst. Meðal þess sem kom fram var að 71% aðspurða lýstu því yfir að mun betra sé að skola ísköldum bjór niður með sígarettu. Undir þessa skoðun taka kráar-og veitingahúsaeigendur í Danmörku,en rúmlega fimm hundruð vertar hafa mótmælt fyrirhugðu reykingabanni.

Niðurstöður könnunarinnar hafa þó ekki fengið stjórnmálamenn í Danmörku til að breyta um skoðun sína á lagafrumvarpinu sem þegar hefur farið í gegnum fyrstu umræðu danska þingsins. Flestir stjórnmálaflokkar búast við að nýju reykingalögin séu fyrsta skrefið í átt að allsherjar reykingabanni innandyra sem verði komið á þegar lögin verða endurskoðuð eftir þrjú ár.

• 4 blogg um fréttina

Bloggað um fréttina

• Þorsteinn Gunnarsson: Glittir í gasgrímurnar?
• Vignir Arnarson: Reykingar bannaðar og ekki orð um það meira!!!!!!!!!!!
• Jóna Á. Gísladóttir: Mmmm - girnileg mynd
• Ólafur Als: Pólitísk rétthugsun valtar yfir almenningsálitið