Fannst látinn á flugvélarsalerni tveimur tímum eftir lendingu

Eiginkona manns sem lést úr hjartaáfalli á salerni flugvélar á leið til Bandaríkjanna frá Tókýó hefur höfðað mál gegn flugfélaginu American Airlines, og sakar félagið um vanrækslu. Lík eiginmannsins, sem lést einhversstaðar í háloftunum, fannst nefnilega ekki fyrr en tveimur klukkustundum eftir að lent var á O’Hare flugvellinum í Chicago, þegar verið var að þrífa vélina.

Taisuke Matsuo, sem var 66 ára gamall, lést úr hjartaáfalli í flugi til Chicago, en hann var á heimleið frá Chicago. Hann fannst þann 13. apríl árið 2005 á salerni farþegaþotunnar eftir að hún hafði verið flutt frá hliðinu þar sem farþegar fóru frá borði til þrifa. Einn starfsmanna tók eftir því að salernið var læst innan frá og fannst lík mannsins í kjölfarið, þá voru um tvær klukkustundir liðnar frá því að þotan lenti.

Carolyn D. Watts, eiginkona Matsuo, segist ekki skilja hvernig hægt sé að týna farþega, hún hefur því höfðað mál gegn flugfélaginu og krefst 150.000 Bandaríkjadala í skaðabætur.

Talsmenn American Airlines hafa ekkert viljað tjá sig um málið.

• 1 blogg um fréttina

Bloggað um fréttina

• Þorsteinn Gunnarsson: Hvað er verið að bæta henni?