Styttist óðum í kosningar í Frakklandi; þriðjungur kjósenda óákveðinn

Frönsku forsetaframbjóðendurnir hafa undanfarna daga reynt að höfða til þeirra kjósenda sem eru ekki búnir að ákveða sig hvern þeir vilji sem næsta forseta Frakklands. Sjálfar kosningarnar fara fram á sunnudag og eru um þriðjungur franskra kjósenda eru óákveðnir.

Síðasti dagur kosningabaráttunnar var í dag, en í kosningabaráttunni hefur ekki síður verið lögð áhersla á persónur einstakra frambjóðenda sem og stefnumál. Alls hafa 12 boðið sig fram til forseta en afar ólíklegt er að nokkur þeirra fái yfirgnæfandi meirihluta í kosningunni á sunnudag.

Samkvæmt skoðanakönnunum er miðhægri maðurinn Nicolas Sarkozy fremstur, en þar á eftir kemur sósíalistinn Segolene Royal og þá miðjumaðurinn Francois Bayrou þriðji.

• 1 blogg um fréttina

Bloggað um fréttina

• Stefán Friðrik Stefánsson: Spennandi óvissa yfir franska forsetakjörinu