Danskur hermaður lést eftir átök í Afganistan

Danskur hermaður sem særðist í byssubardaga í suðurhluta Afganistan fyrir fimm dögum lést af sárum sínum á sjúkrahúsi í Danmörku í morgun. Hermaðurinn særðist er ráðist var á danskar hersveitir skammt frá búðum þeirra, Camp Bastion og fékk hann skot í hálsinn.

Hann er fjórði Daninn sem hefur látist í átökum í Afganistan síðan danskar hersveitir voru sendar þangað í janúar 2002. Þrír danskir sprengjusérfræðingar létust í mars 2002 er þeir reyndu að aftengja eldflaug í höfuðborginni Kabul.

Sem stendur eru um 420 danskir hermenn í Afganistan undir stjórn NATO.

• 1 blogg um fréttina

Bloggað um fréttina

• Brjánsi: Hræsni (sápukúla)