Erlent | mbl | 28.5.2007 | 11:23

Áströlsk krá meinar gagnkynhneigðum inngöngu

Krá fyrir samkynhneigða í Melbourne hefur öðlast rétt til þess að meina gagnkynhneigðu fólki inngöngu, en þetta er í fyrsta sinn sem slík löggjöf er samþykkt í Ástralíu.

Borgara- og stjórnsýsludómstóll í Viktoríuríki úrskurðaði að Peel Hotel geti meinað gestum aðgöngu sem eru gagnkynhneigðir. Eigendur krárinnar segja að þetta muni koma í veg fyrir að gagnkynhneigðir karlar og konur muni áreita samkynhneigða á staðnum.

Mannréttindasamtök í landinu hafa lýst yfir stuðningi við úrskurðinn, segir BBC..

Formaður dómstólsins segir að hópur gagnkynhneigðra kvenna þyki samkynhneigðir karlar hafa ákveðið skemmtanagildi en hann segir að slík athygli sé hinsvegar ómanneskjuleg.

Yfirmenn staðarins hafa kvartað undan því að þegar verið sé að halda gæsa- og steggjateiti á staðnum þá skapist eitrað andrúmsloft þar fyrir samkynhneigða gesti krárinnar.