Pútín: Nauðsynlegt að viðhalda hernaðarlegu jafnvægi

Vladimír Pútín, Rússlandsforseti, sagði í dag að eldflaugatilraunir sem Rússar gerðu nýverið séu svar þeirra til að viðhalda hernaðarlegu jafnvægi í heiminum í því sem hann kallar „nýja lotu í vígbúnaðarkapphlaupinu”. Segir Pútín að Rússar hafi ekki hafið hina nýju lotu, og að þeir hafi ekkert illt í huga, þeir muni hins vegar halda áfram að auka varnarmátt sinn.

„Við höfum varað hina bandarísku vini okkar við því hvernig við munu svara til að viðhalda hernaðarlegu jafnvægi í heiminum”, segir Pútín. „Þeir eru að hlaða niður vopnum í Austur-Evrópu, ný herstöð í Búlgaríu, önnur í Rúmeníu, eldflaugavarnir í Póllandi, ratsjárstöð í Tékklandi. Hvað eigum við að gera? Við getum ekki bara fylgst með aðgerðalaust”.

Bandaríkjamenn vilja koma fyrir eldflaugavörnum í Póllandi og Tékklandi til að svara ógn sem þeir telja að stafi af ríkjum á borð við N-Kóreu og Íran. Segja Bandaríkjamenn að vörnunum sé ekki beint gegn Rússum, en Rússar telja öryggi sínu ógnað með hinum nýja vígbúnaði.

Vladimír Pútín Reuters

• 2 blogg um fréttina

Bloggað um fréttina

• Þorkell Sigurjónsson: Er Stalín hér?
• Úlfar Þór Birgisson Aspar: Allt samkvæmt áætlun.