Bandaríski sjóherinn gerði árás á þorp í Sómalíu

Bandaríski sjóherinn hefur gert árás á þorp í Sómalíu þar sem herskáir íslamistar eru sagðir hafa skotið skjólshúsi yfir liðsmenn al Qaeda samtakanna. Árásin, sem átti sér stað í hinu afskekkta Puntland-héraði, er önnur árás bandaríska hersins í Sómalíu á þessu ári en samkvæmt heimildum bandarískra fjölmiðla var talið að áhrifamikill liðsmaður al Qaeda samtakanna væri í þorpinu.

Maðurinn sem talinn var vera í þorpinu er grunaður um að hafa skipulagt árásirnar á sendiráð Bandaríkjanna í Kenýa og Tansaníu árið 1998.

Muse Gelle, héraðsstjóri, segir árás bandaríska sjóhersins hafa verið gerða á þorpið Bargal í Bari sýslu eftir að stjórnarhermenn höfðu barist klukkutímum saman við íslamista í þorpinu.

Bandaríkjaher hefur ekki viljað staðfesta að árásin hafi átt sér stað og talsmaður bandaríska varnarmálaráðuneytisins segir að oft þurfi aðgerðir gegn hryðjuverkamönnum að fara leynt.

• 2 blogg um fréttina

Bloggað um fréttina

• Þorkell Sigurjónsson: Að beyta valdi.
• Gísli Foster Hjartarson: Á hverju á maður von.....