Sjö urðu fyrir rafmagnsleiðslu í Kaupmannahöfn

Sjö slösuðust þegar rafmagnsleiðsla féll niður á brautarpall Aðalbrautarstöðvarinnar í Kaupmannahöfn í kvöld. Slysið olli töfum á umferð til Kastrup flugvallar og Svíþjóðar.

Rafmagnsleiðsla féll á brautarpallinn um klukkan hálf átta í kvöld, á sama tíma og lest keyrði að. Leiðslan reif með sér eina festingu sem lenti á fleiri farþegum, sem sluppu þó með lítilháttar meiðsl, segir á fréttavef Politiken.

Spennan í leiðslunni er um 25.000 volt og fengu nokkrir af þeim slösuðu straum af henni. Flestir hinna slösuðu voru sænskir skólakrakkar á aldrinum 13-14 ára á leið til Malmö. Tveir kennarar og fjögur börn urðu fyrir leiðslunni.

Lestaumferð var í kjölfarið vísað frá Aðalbrautarstöðinni í um tvær klukkustundir.

• 2 blogg um fréttina

Bloggað um fréttina

• Heimir Lárusson Fjeldsted: Stöd paa Hovedbanegaarden
• Þröstur Unnar: Eins gott að passa sig