Lögregla leitar að hópi djöfladýrkenda

Lögregla í Vestur-Frakklandi leitar nú að djöfladýrkendum sem eru taldir hafa kveikt í kirkju frá sextándu öld í bænum Loqueffret á Bretagne um helgina. Talið er að hópurinn hafi einnig unnið skemmdarverk á fleiri stöðum á Bretagne-skaganum.

Ekkert er eftir af kirkjunni nema útveggirnir eftir brunann og margir gamlir munir eyðilögðust í brunanum. Að sögn lögreglu virðist sem kirkjudyrnar hafi verið spenntar upp og stafirnir ABM úðaðir á veggi kirkjunnar.

Sama veggjakrot fannst einnig á átta öðrum helgum stöðum, meðal annars á krossum.

Talið er að ABM standi fyrir hreyfingu djöfladýrkenda, Aryan Black Metal. Hreyfingin tengist þungarokki, heiðni og öfgahægri mönnum í stjórnmálum.

• 1 blogg um fréttina

Bloggað um fréttina

• Þorkell Sigurjónsson: Djöfladýrkun í tísku ?