Ógætilegur akstur er synd

Ógætilegur akstur og hættulegur framúrakstur getur verið synd segir Páfagarður og eru ökumenn hvattir til að signa sig áður en þeir leggja út á þjóðvegi. Þetta kemur fram í skjali sem kardinálinn Renato Martino hefur gert að beiðni nefndar páfa um „flökku- og farandfólk”.

Í skjali sem dreift verður af rómversk-kaþólsku kirkjunni í sóknum kirkjunnar segir ennfremur að skortur á kurteisi, ruddaleg hegðun, blótsyrði og guðlast sé fordæmt. Hins vegar segir að samgöngur geti „eflt kristileg gildi, varkárni, þolinmæði og góðmennsku.”

Í skjalinu eru einnig tíu reglur fyrir ferðalanga með vísun í boðorðin tíu, þar kemur meðal annars fram að sá sem þekki Jesú fari varlega og að bifreiðar megi ekki vera tjáningarmáti fyrir vald, yfirráð eða afsökun fyrir syndgun. Í reglunum er einnig minnst á vændi, heimilislausa og börn sem búa á götunni.

• 2 blogg um fréttina

Bloggað um fréttina

• Róbert Tómasson: Amen
• Fjóla Æ.: Signi mig