Vegur við Everest endurbyggður vegna Ólympíuleikanna

Kínversk stjórnvöld hafa ákveðið að endurbyggja leiðina að Everest fjalli til þess að auðvelda ferðina með ólympíukyndilinn á topp Everest, hæsta fjalls heims. Ólympíuleikarnir verða haldnir í Kína á næsta ári.

Í frétt Xinhua fréttastofunnar kemur fram að áætlaður kostnaður við lagningu vegarins er 150 milljón júan, rúmlega 1,2 milljarðar króna. Um 108 km leið er að ræða en vegurinn nær upp í 5.200 metra hæð. Í dag er einungis um vegslóða að ræða. Everest fjall er 8.850 metra hátt.

Vegaframkvæmdirnar hefjast í næstu viku og er talið að þær taki fjóra mánuði. Er gert ráð fyrir að vegurinn verði vinsæll hjá ferðamönnum sem og fjallgöngumönnum.

• 1 blogg um fréttina

Bloggað um fréttina

• Sigurður M Grétarsson: Evrestfjall er ekki í Kína.