Morðtilraun með öxi

Maður réðist á par með öxi á Södermalm í miðborg Stokkhólms í nótt og hafa þau verið flutt á Söder-sjúkrahúsið til aðhlynningar. Maðurinn sem er 55 ára er grunaður um morðtilraun. Hann mun hafa lent í deilu við parið sem hann þekkir og ráðist á þau með öxi.

Maðurinn gaf sig sjálfur fram við lögreglu. Hann segist hafa notað öxina sem barefli og einungis slegið með flötu axarblaðinu en ekki höggvið til fólksins.

Konan mun hafa fallið niður steyptar tröppur og misst meðvitund við fallið.

Maðurinn er nú í varðhaldi og bíður þess að verða yfirheyrður, lögreglan sagði í samtali við Dagens Nyheter að vonast væri til að ræða við fórnarlömb hans á sjúkrahúsinu síðar í dag.

• 2 blogg um fréttina

Bloggað um fréttina

• Ásta Gunnlaugsdóttir: Einhvern veginn skil ég ekki..
• Þorkell Sigurjónsson: AXARMORÐINGI ?