Hryðjuverkamennirnir í Glasgow voru ekki Skotar

Mennirnir tveir sem óku logandi jeppa inn í andyri flugstöðvarinnar í Glasgow síðdegis í gær voru ekki búsettir í Skotlandi, að því er æðsti ráðherra skosku heimastjórnarinnar greindi frá í dag. Sjónarvottar hafa sagt að mennirnir hafi verið "asískir," og að annar þeirra hafi hrópað: "Allah! Allah!" þegar lögreglan handtók hann.

En ráðherrann, Alex Salmond, lagði áherslu á að atburðir gærdagsins myndu ekki varpa skugga á samskipti múslíma í Skotlandi við aðra íbúa. Ekkert íbúasamfélag í Skotlandi yrði látið gjalda atburðanna.

"Tengsl íbúasamfélaga í Skotlandi eru mjög sterk," sagði Salmond. Múslímasamfélagið er snar þáttur í skosku samfélagi og gegnir þar mikilvægu hlutverki, jafnt sem í efnahagslífinu."

• 1 blogg um fréttina

Bloggað um fréttina

• Helga Guðrún Eiríksdóttir: SÆKJA ÞEIR ÍSLAND HEIM?