Myndum af Madeleine skilað

Myndum af Madeleine McCann, sem var stolið nýverið frá föður hennar hefur verið skilað. Madeleine, sem er fjögurra ára gömul, var rænt í Portúgal í byrjun maí. Veski Gerry McCann, sem er faðir Madeleine, var stolið af vasaþjófi á Waterloo lestarstöðinni í Lundúnum nýverið. Sky fréttastöðin greinir frá þessu.

Samkvæmt upplýsingum Sky hélt þjófurinn eftir 30 evrum sem voru í veskinu en sendi veskið ásamt myndum og skilríkjum í pósti til McCann.

Myndirnar sem voru í veskinu eiga að vera eftirlætismyndir Gerry McCann af Madeleine.

Foreldrar Madeleine eru enn í Praia da Luz í Portúgal þar sem Madeleine hvarf í byrjun maí.

• 1 blogg um fréttina

Bloggað um fréttina

• Stefán Friðrik Stefánsson: 60 dagar frá hvarfi Madeleine - myndum skilað