1.500 kíló af kókaíni fundust fyrir slysni

Alls fundust um 1.500 kg af kókaíni fyrir slysni fljótandi við strendur Írlands í gær. Er markaðsvirði eiturlyfjanna um 150 milljónir Bandaríkjadala, 9,3 milljarðar króna. Er þetta mesta magn af kókaíni finnst í írskri lögsögu. Algjör tilviljun réð því að eiturlyfin fundust en báturinn sem var að smygla kókaíninu til Írlands lenti í skipskaða og fundu björgunarmenn eiturlyfin fljótandi í um 60 bögglum sem hver og einn innihélt um 25 kg af kókaíni þegar þeir voru að bjarga bátsmönnunum.

Írski sjóherinn, lögregla og tollgæsla eru enn að leita að fleiri bögglum á Dunloughflóa en þar sem eiturlyfin fundust í gær. Tveir menn voru handteknir vegna málsins en þeir voru um borð í bátnum. Annar þeirra er í gæsluvarðhaldi en hinn er á sjúkrahúsi. Að sögn lögreglu eru að minnsta kosti tveir menn til viðbótar tengdir smylginu.

• 1 blogg um fréttina

Bloggað um fréttina

• Arna Rut Sveinsdóttir: LoL