Næstum naktir mótmæltu nautaati

Mörg hundruð dýraverndunarsinnar flettu sig klæðum og hlupu næstum naktir um götur Pamplóna þar sem hið fræga nautahlaup á hátíð heilags Fermíns hefst á morgun. Margir voru með plasthorn og rauða klúta um hálsinn um hálsinn og hrópuðu slagorð á borð við: „Pynting er ekki menning”.

Nautahlaupið hefst snemma á laugardaginn er sex nautum er sleppt úr gerði og þau látin hlaupa um 800 metra leið að nautahringnum í Pamplona þar sem þau munu seinna um daginn kljást við nautabana. Á leiðinni í nautahringinn er almenningi frjálst að hlaupa með nautunum en það verða oft slys á mönnum sem stunda þá iðju, jafnvel banaslys.

Dýraverndunarsamtök skipulögðu mótmælin í dag og er reiknað með að um þúsund mótmælendur frá þrjátíu löndum hafi tekið þátt.

Nautaatsmótmælendur fjölmenntu til Pamplona í dag. Reuters

• 3 blogg um fréttina

Bloggað um fréttina

• Þorsteinn Gunnarsson: Svo sitjum við uppi með einhvern lopapeysuklæddan bakpokalýð
• Sigurbjörn Friðriksson: Mótmæla nautadrápi / mótmæla hvaladrápi.
• Þorkell Sigurjónsson: Að drepa sér til skemmtunar.