Umbótasinnuðu dagblaði lokað í Íran

Umbótasinnaða dagblaðinu Shargh í Íran var í dag lokað, aðeins þremur mánuðum eftir að stjórnvöld gáfu því leyfi til útgáfu á ný eftir bann. Stjórnvöld hafa gefið þá skýringu að ákvörðunin hafi verið tekin vegna viðtals sem tekið var við skáldkonu andsnúna stjórnvöldum þar sem hún gagnrýndi sýn stjórnvalda á samskipti kynjana.

Ritstjóri blaðsins segir aðeins um tylliástæðu að ræða og að tilgangurinn sé að þagga niður í síðustu gagnrýnisröddunum sem enn fá að heyrast í landinu.

Saqhi Qahraman, hið umdeilda skáld, sagði í viðtali sem birt var í fyrradag að karlmenn ættu að leika stærra hlutverk inni á heimilinu, svo sem með því að taka þátt í að sjá um börn sín. Blaðið baðst í dag afsökunar á því að hafa birt viðtalið.

Rúmlega 100 umbótasinnuð dagblöð hafa verið bönnuð síðan Mahmoud Ahmadinejad tók við embætti forseta árið 2005, margir blaðamanna á Shargh eru fyrrum ritstjórar blaða sem hafa verið bönnuð. “

• 3 blogg um fréttina

Bloggað um fréttina

• Þorbjörg Ásgeirsdóttir: Grýla lifir.
• Billi bilaði: Minnimáttarkennd?
• Daði Einarsson: Svona árásir á Íran og hinn íslamska sið verður að …