Gordon Brown: Breskir hermenn hafa „mikilvægu starfi að gegna“ í Írak

Gordon Brown, forsætisráðherra Bretlands, varði í dag þátttöku breskra hermanna í Írak. Hann sagði að að þeir hafi „mikilvægu starfi að gegna“ í hinu stríðshrjáða landi.

Í skriflegu svari við bréfi til Menezies Campell, sem er leiðtogi frjálslyndra demókrata er sitja í stjórnarandstöðu, hafnaði Brown að verða við þeirri kröfu að brotthvarf breskra hermanna frá Írak verði tímasett með nákvæmum hætti.

Um 5.500 breskir hermenn eru í Írak, en flestir þeirra eru í og við borgina Basra í suðurhluta landsins. Það er hinsvegar stefnt að því að fækka þeim fyrir árslok, sem nemur 5.000 hermönnum.

„Það er ekki rétt að segja að með áframhaldandi veru breskra hersveita í Írak verði ekki til neins, eða að það sé afar takmarkað sem þær geta gert,“ skrifaði Brown.

„Breskar hersveitir í Basra hafa enn möguleikann á því að gera árásir á uppreisnarhópa og tryggja öryggi. Þær munu halda áfram að starfa með íröskum yfirvöldum og öryggissveitum og koma þeim á þann stað að þau geti axlað fulla ábyrgð á eigin öryggi.“

Brown bætti því við að breskir hermenn í Írak hafi „augljósum skyldum að gegna.“

• 1 blogg um fréttina

Bloggað um fréttina

• Þorkell Sigurjónsson: JAFNAÐARMAÐUR Í VERKI ?