Bush laumað út úr Hvíta húsinu í skjóli nætur

George W. Bush Bandaríkjaforseti laumaðist út úr Hvíta húsinu í skjóli myrkurs er hann lagði upp í ferð sína til Íraks seint í gærkvöldi en gefin hafði verið út ferðaáætlun fyrir hann þar sem fram kom að hann myndi halda til leiðtogafundar í Ástralíu sextán tímum eftir að hann hélt áleiðis til Íraks. Þetta kemur fram á fréttavef CNN.

Tony Snow, talsmaður Hvíta hússins, segir það hafa verið þátt í öryggisráðstöfunum vegna ferðarinnar að gefa út ranga ferðaáætlun.

Fyrst var greint frá ferð Bush til Íraks eftir að hann og föruneyti hans lentu í Asad herstöðinni í Anbar-hérað en Snow segir þá staðsetningu hafa verið valda, fyrir fund forsetans með íröskum ráðamönnum og bandarískum varnarmálasérfræðingum, vegna þess hversu miklar framfarir hafi orðið í öryggismálum í héraðinu.

• 3 blogg um fréttina

Bloggað um fréttina

• Svavar Sigurður Guðfinnsson: Kom mér algerlega í opna skjöldu
• Markús frá Djúpalæk: Hefði ekki mátt lauma karlinum eitthvað annað?
• Ásthildur Cesil Þórðardóttir: Lítið er geð guma.