Laura Bush skammar stjórnina í Myanmar

Laura Bush, eiginkona Bandaríkjaforseta hefur ekki oft kvatt sér hljóðs í heimspólitíkinni en í dag hélt hún lítinn blaðamannafund þar sem hún vakti athygli á þrengingum lýðræðissinna í Myanmar.

Ég vil að þeir viti að lönd heimsins fordæma aðgerðir ríkisstjórnarinnar í Burma þegar þeir hrella og fangelsa friðsamlega mótmælendur,” sagði Bush.

Fram til þessa hefur Laura Bush ekki látið til sín taka á alþjóðavettvangi. Hún er fyrrum bókasafnsfræðingur og hefur stutt bókastefnur og aðra bókmenntatengda viðburði en hefur forðast að tjá sig um alþjóðleg málefni.

„Ég hef ávalt haft áhuga á stjórnmálum og alþjóðlegum málefnum sem þessu, allan tímann sem George hefur verið í forsetaembættinu,” sagði eiginkona hans.

• 1 blogg um fréttina

Bloggað um fréttina

• Ólafur Jóhannsson: Hún ætti að líta sér sér nær.