Í fangelsi fyrir að setja nektarmyndir af eiginkonu sinni á netið

Fyrrum lögreglumaður í Pennsylvaníu í Bandaríkjunum var í dag dæmdur í 3-12 mánaða fangelsi fyrir að setja nektarmyndir af fyrrum eiginkonu sinni á netið og bjóða öðrum að hafa samband við hana og semja um ofbeldisfull kynmök. Mál þetta hefur vakið töluverða athygli í Bandaríkjunum.

Maðurinn, sem heitir Luke Heller og er 37 ára, játaði á sig að hafa ofsótt konuna.

Heller var rekinn úr lögreglunni á síðasta ári eftir að hann var ákærður fyrir að birta myndir af konunni og nafn hennar og aðrar persónuupplýsingar á netsíðu sem fjallar um BDSM kynlíf. Hvatti Heller lesendur til að hafa samband við konuna ef þeir vildu taka þátt í ofbeldisfullu kynlífi.

Konan yfirgaf Heller árið 2003 og sótti um skilnað sem var veittur árið 2005. Hún sakaði hann um að hafa beitt sig líkamlegu og andlegu ofbeldi.

• 3 blogg um fréttina

Bloggað um fréttina

• Ellý: Skaðabætur og meðferð líka?
• Riddarinn : Bara greiðasamur við fyrrverandi.
• Jakob Falur Kristinsson: Fangelsi