Aðferðir við dauðarefsingar skoðaðar af Hæstarétti Bandaríkjanna

Hæstiréttur Bandaríkjanna hefur ákveðið að skoða stjórnlagalegt réttmæti notkunar á banvænum sprautum, sem er notað í 90% af þeim aftökum sem fram fara í landinu. Er þetta í fyrsta skipti sem Hæstiréttur samþykkir að ræða hvort efnasamsetningin sem notuð er brjóti gegn áttundu grein stjórnarskrárinnar.

Munu dómarar við Hæstarétt Bandaríkjanna ætla að hlýða á áskorun tveggja fanga á dauðadeild í Kentucky, Ralph Baze og Thomas Clyde Bowling Jr., en þeir lögsóttu Kentuckyríki árið 2004 fyrir að beita bannvænum sprautum við dauðarefsingar. Gagnrýna þeir samsetningu þeirra efna sem notuð eru í sprauturnar en oft tekur það fanga langan tíma að deyja auk þess sem dauðdaginn er kvalafullur.

Í síðustu viku úrskurðaði héraðsdómari í Tennessee að notkun á banvænum sprautum væri brot á stjórnarskrá og lagði bann við því að fanginn sem um var að ræða yrði tekinn af lífi. Stjórnvöld í Tennessee eiga eftir að ákveða hvort úrskurðinum verði áfrýjað en samþykkti að hætta við aftökuna.

• 2 blogg um fréttina

Bloggað um fréttina

• Valdimar Hreiðarsson: Svo skal böl bæta, að bíði annað verra...
• Smári Jökull Jónsson: Hættið þessu !