Rússar vilja ekki vopnakapphlaup í geimnum

Yfirmaður geimdeildar rússneska hersins, Vladimir Popovkin hershöfðingi tilkynnti í morgun að Rússar myndu neyðast til að svara fyrir sig ef aðrar þjóðir kæmu vopnum fyrir úti í geimnum. Fréttaskýrendur líta á þetta sem harða viðvörun til Bandaríkjanna.

„Við viljum ekki þurfa að heyja stríð í geimnum, við viljum ekki þurfa að ná yfirhöndinni í geimnum, en við munum heldur ekki leyfa öðrum þjóðum að hafa yfirhöndina í geimnum,” sagði Popovkin við rússneska fjölmiðla í morgun.

Hann sagði að það væri lögmál hernaðar að ef vopn birtust í geimnum myndi gagnhernaður hefjast þar.

• 1 blogg um fréttina

Bloggað um fréttina

• Stefán W.J,: Hófst með Galileo