Munkar reyna að komast frá Rangoon

Hópar búddamunka eru nú sagðir vera að reyna að komast frá Rangoon, stærstu borg Búrma. Mikið mun vera um munka á lestarstöðvum í borginni og nágrenni hennar en fréttir hafa borist af því að munkum hafi verið meinað að fara um borð í langferðabíla þar sem bílstjórar þeirra hafi óttast að þeir fengju ekki að kaupa bensín væru þeir með munka í bílunum. Þetta kemur fram á fréttavef BBC.

Óljóst er hversu margir munkar hafa verið handteknir í aðgerðum lögreglu og hers landsins gegn mótmælendum að undanförnu en hermenn munu hafa leitað mótmælenda í borginni í nótt og m.a. handtekið tuttugu og fimm munka í hofi í nágrenni borgarinnar.

• 1 blogg um fréttina

Bloggað um fréttina

• Gísli Foster Hjartarson: Áróður