Bush ætlar að funda með Dalai Lama

George W. Bush, Bandaríkjaforseti, tilkynnti í dag að hann hyggðist hitta Dalai Lama, hinn útlæga andlega leiðtoga Tíbeta, í næstu viku. Talið er víst að Kínverjar muni reiðast ákvörðun Bush.

Kínverjar hafa þegar mótmælt því að ákveðið var að veita Dalai Lama orðu á vegum bandaríska þingsins. Talsmenn Hvíta hússins gera lítið úr mikilvægi fundarins, en talið er víst að fundurinn muni auka enn á óánægju kínverskra stjórnvalda.

Kínverjar hafa áður lýst sig andvíga því að þjóðir eða persónur ,,noti Dalai Lama til að skipta sér af kínverskum innanríkismálum".

• 2 blogg um fréttina

Bloggað um fréttina

• Daði Einarsson: Sko karlinn
• Sigurður M Grétarsson: Hvernig getur hernám Tíbet verið kínverkst innanríkismál?