Vatíkanið vísar samkynhneigðum presti á dyr
Setja bókamerki
Vatíkanið hefur staðfest að háttsettur prestur sem starfar á skrifstofu þess hefur verið látinn hætta störfum eftir að hann kom fram í ítölskum sjónvarpsþætti og ræddi þar opinskátt um samkynhneigð sína. Presturinn hefur tímabundið verið látinn hætta störfum á meðan rannsókn fer fram sagði faðir Frederico Lombardi, talsmaður Vatíkansins.
Lombardi sagði að framkoma prestsins sem ekki hefur verið nefndur á nafn, væri ósambærileg stöðu hans innan alheimsmiðstöðvar kaþólsku kirkjunnar.
Presturinn leyfði sjónvarpsstöð að mynda sig við störf á skrifstofu í Vatíkaninu og þó að rödd hans hafi verið bjöguð og ekki hafi sést í andlit hans segir BBC að samstarfsmenn hans hafi auðveldlega getað borið kennsl á hann.
Presturinn sagðist ekki líta svo á að hann lifði í synd þó að hann væri samkynhneigður en hann sagðist þurfa að halda kynhneigð sinni leyndri vegna kenninga kirkjunnar í þessum efnum.
Fyrsti blaðamannafundurinn í heild sinni
„Börn heima sem maður myndi vilja hafa í skjóli“
Forstjóri bendir á ábyrgð birgja vegna verðhækkana
Beint: Ný ríkisstjórn tekin við völdum
Hrikalegt að heyra fréttirnar
Var engin kristnitaka árið 1000?
Lát hjóna í Neskaupstað: Ákæra gefin út
Skattamál verði líklega „þeirra mesta klemma“
