Bandaríkin lýsa yfir áhyggjum vegna ákvörðunar Musharrafs

Bandaríkjastjórn segja að lýðræðið hafi stigið skref aftur á bak Pakistan í dag í kjölfar ákvörðunar Pervez Musharraf, forseta landsins, að setja á neyðarlög í landinu. Bandarísk yfirvöld segja að ákvörðun forsetans valdi þeim áhyggjum. Bresk stjórnvöld hafa tekið í sama streng.

Condoleezza Rice, utanríkisráðherra Bandaríkjanna, sagði í samtali við bandarísku CNN-fréttastöðina að það væri miður að Musharraf hafi sett neyðarlög í landinu. Rice, sem er stödd í Tyrklandi, segist vonast til þess að stjórnvöld í Pakistan stefni að því að halda frjálsar kosningar í landinu.

Sean McCormack, talsmaður bandaríska utanríkisráðuneytisins, segir í yfirlýsingu sem hann sendi frá sér í dag að Bandaríkin hvetji Musharraf til þess að standa við gefin loforð og halda kosningar í janúar.

Fram kemur að Bandaríkin hafi miklar áhyggjur af þeim fréttum að Musharraf hafi gripið lýst yfir neyðarástandi í landinu og tekið að sér alræðisvald.

Musharraf rak í dag háttsettan dómara úr embætti í þeim tilgangi að tryggja völd sín yfir pólitískum andstæðingum sínum og íslamskra uppsreisnarmanna. Þá hefur hann kallað út herinn sem hefur verið komið fyrir á götum úti.