Japanski hvalveiðiflotinn heldur í nótt af stað frá Shimonoseki í Japan til Suðurhafa þar sem áformað er að veiða yfir 1000 hvali í vísindaskyni, þar á meðal 50 hnúfubaka, sem hafa ekki verið veiddir frá því á sjöunda áratug síðustu aldar. Verksmiðjuskipið Nisshin Maru, sem laskaðist í eldi á síðustu vertíð, hefur nú verið lagfært og fer með veiðiflotanum.

Hávær gagnrýni hefur komið fram vegna hnúfubakaveiðanna og hafa áströlsk stjórnvöld m.a. sagt, að þar í landi yrði litið á slíkt sem ögrun og yrði til þess fallið að sverta orðstír Japana meðal Ástrala.

Og bandarísku umhverfisverndarsamtökin Sea Shepherd segja, að þau muni líta á veiðar á hnúfubökum sem stríðsyfirlýsinu.

Á síðustu vertíð reyndu liðsmenn Sea Shepherd hvað þeir gátu til að trufla veiðarnar og köstuðu m.a. flöskum fullum af eiturefnum að skipunum. Eldur braust síðar út um borð í Nisshin Maru en bæði Japanar og Sea Shepherd sögðu að það hefði ekki tengst mótmælunum. Japanar ákváðu þá að hætta veiðum þótt aðeins hefði veiðst um helmingur kvótans.

Tengdar fréttir

Hvalveiðar

Mál Black Cube ekki á borði ríkissaksóknara

• Fjögur fyrirtæki sótt um leyfi til hvalveiða
• Fátt um svör vegna Black Cube
• „Er í mínum huga engin frétt“
• Ríkislögreglustjóri kannar málsatvik

» Fleiri tengdar fréttir

• 6 blogg um fréttina

Bloggað um fréttina

• Vilborg Eggertsdóttir: Hættum þessu!
• Ari Guðmar Hallgrímsson: Hvort er meira virði líf manna,eða hvala?
• Örvar Már Marteinsson: Meira drama = meira fé
• S. Einar Sigurðsson: Gott að Japanar veiða hnúfubak.
• Sæþór Helgi Jensson: regin munur á íslandi og japan
• Jakob Falur Kristinsson: Hvalveiðar