Kennari fundinn sekur í bangsamáli

Dómstóll í Súdan hefur dæmt breskan kennara í fangelsi fyrir að hafa vanvirt trúarbrögð múslíma þegar hún leyfði börnum sem hún kennir að nefna bangsa Múhameð.

Gillian Gibbons, sem er 54 ára, var dæmd í 15 daga fangelsi, en réttað var í máli hennar í dag, að því er fram kemur á fréttavef breska ríkisútvarpsins.

Gibbons var sökuð um að hafa móðgað trúarbrögð múslíma, kynt undir hatur og sýnt trúarskoðunum annarra vanvirðingu.

Hún mun afplána fangavistina í Kartúm, höfuðborg Súdans, og að henni lokinni mun Gibbons verða vísað úr landi.

Gillian Gibbons mun sitja 15 daga á bak við lás og slá fyrir að hafa vanvirt trúarbrögð múslíma. Reuters

• 5 blogg um fréttina

Bloggað um fréttina

• Björn Zoéga Björnsson: Umburðarlyndi ........
• Hákon Unnar Seljan Jóhannsson: Bannaði krakka að skýra bangsann sinn Jesú!
• Alexander Kristófer Gústafsson: Súdan að kynda undir hatur
• Linda: Öfga Íslam - þetta kemur ekkert óvart
• G. Tómas Gunnarsson: Blessað guðlastið