Sýrlendingum sett skilyrði

Stephen Hadley, þjóðaröryggisráðgjafi Bandaríkjanna, segir erfitt að ímynda sér að Sýrlendingar muni koma að þeim friðarviðræðum sem fyrirhugaðar eru í Miðausturlöndum á næstunni. „Sýrland er ríki sem styður hryðjuverkasamtök á borð við Hamas og Hizbollah,” sagði Hadley er hann ávarpaði nemendur alþjóðadeildar Johns Hopkins háskólans í Washington. Þetta kemur fram á fréttavef Ha’aretz.<p> Hann sagði það vera ákvörðun Ísraela hvort þeir vilji hefja friðarviðræður við Sýrlendinga en að hann líti svo á að stefna Sýrlandsstjórnar sé ekki í samræmi við það sem fram hefði komið á nýafstaðinni ráðstefnu um málefni Miðausturlanda í Annapolis í Bandaríkjunum.<p>

„Það ríkir nýr andi í Miðausturlöndum sem veitir raunverulega möguleika á friði. Sýrlendingar þurfa að geraupp við sig hvort þeir vilji sitja úti í horni eða hætta stuðningi við hryðjuverkastarfsemi, láta Líbanon í friði, styðja yfirvöld í Írak og taka ákvörðun um að stuðla að friði,” sagði hann. „Velji Sýrlendingar þessa leið eiga þeir möguleika á að ná samningum um Gólanhæðirnar en ef ekki sé ég ekki hvernig þeir geti tekið þátt í þessu ferli.

• 1 blogg um fréttina

Bloggað um fréttina

• Sigurður M Grétarsson: Hverjir styðja verstu hryðjuverkasamtök miðausturlanda?